PITA

Пита сo кисела зелка

Доаѓа Бадник. Време е за пита со кисела зелка…



Потребно:

Тесто

400 гр. брашно

1 лажичка сол

1/2 лажичка шеќер

прстофат сода

3 лажици масло

220-250 мл вода

За премачкување

по потреба масло и маргарин (пола-пола)

Фил

1 мала главица кисела зелка

по вкус бибер

малку зејтин

Подготовка :

Зелката треба да се исечка, да се исцеди убаво и да се пропржи со бибер и малку зејтин (така може да ја ставите во сад, да ја замрзнете и да ја имате секогаш при рака)

Од состојките за тесто се замесува меко, нелепливо тесто. Потоа разделете го на парен број топчиња (мене ми излегоа 16, 10 за долната и 6 за горната кора). Маргаринот растопете го, па потоа додадете и масло промешајте да се изедначи (да не биде топло).

Од секое топче расукајте коричка, убаво намрсете ја секоја коричка па поклопете ја со наредната. Добивате 2 купчиња со 10, односно 6 корички.

Второ расукување …

Земете го второто купче и расукајте голема кора. Премачкајте ја целата со маргаринот и маслото, потоа преклопете ги двата краја до средината. Повторно премачкајте и уште еднаш по должина и преклопете (добивате тенка лента од тестото).

Премачкувате пак и ги виткате двата краја до средина. Последно премачкување и преклопувате на половина (да добиете коцка). Кога двете кори се спремни, оставете ги 10-тина минути во фрижидер.


Трето расукување …

Земете го тестото за долната кора, расукајте кора соодветна на тавчето во кое ќе печете. Префрлете ја во намрсено тавче и распоредете го филот. Расукајте ја и горната кора, прекријте и направете си витка. Убаво попрскајте ја целата со растопениот маргарин и масло и ставете да се пече во претходно загреана рерна.

Оставете малку да се излади па послужете.

http://reporter.mk/hrana/pita-kisela-zelka/

Брза пита (посно)

Состојки
квас
1 сув квасец
1 лажичка шеќер
1 лажичка брашно
300 мл. млака вода
останати состојки
5 лажици масло
1 лажичка шеќер
1/2 лажичка сол
400 - 500 гр. брашно
по потреба маргарин
2-3 лажици кечап
2 лажици посен мајонез
по потреба оригано
по потреба масло за премачкување на зелникот

1. Сувите состојки за квасот се ставаат во сад во кој ќе се меси, се мешаат, се додава млаката вода и се остава да се активира квасецот.
2. Се додава маслото, шеќерот и солта, се меша и потоа постепено се додава просеаното брашно се додека да се добие меко нелепливо тесто.
3. Тестото веднаш се дели на два дела, еден поголем и еден помал.
4. Првин поголемиот дел се рассукува во кора и се става во намрсено таче бр. 28 но да има тесто од страните за правење витка.
5. Внатре тестото се премачкува со маргарин. Се мешаат кечапот и посниот мајонез и оваа мешавина се распоредува на тестото, се наросува со оригано.
6. Вториот дел од тестото се рассукува и се става во тавчето да биде со набори, се прави витката и одозгора цел зелник се премачкува со масло.
7. Се пушта рерната и штом се загрее на 200 степени, зелникот се пече 20 минути, а по потреба и уште десетина минути.

https://moirecepti.mk/post/%d0%bf%d0%be%d1%81%d0%b5%d0%bd-%d0%b1%d1%80%d0%b7-%d0%b7%d0%b5%d0%bb%d0%bd%d0%b8%d0%ba

Doaga vremeto na tikvite, vkusni se i zdravi.

Наједноставната пита од тиква: Идеален десерт за попладневно уживање!

Потребни состојки:

За тестото

250 грама брашно
120 грама путер
50 грама шеќер
1 јајце со средна големина
1 лажица кисела павлака
прстофат сол

За филот

400 грама тиква
150 грама шеќер
3 јајца
125 милилитри слатка павлака

Начин на подготовка:

1. Исечкајте ја тиквата на помали коцки. Во поголема чинија ставете вода, ставете ја во неа исечканата тиква и оставете ја да зоврие. Варете отприлика 15 минути или додека не омекне тиквата. Потоа, исцедете ја тиквата и претворете ја во пире со миксер или во блендер. Можете и да ја изгмечите.

2. Ставете го брашното во садот каде што ќе го месите тестото. Во брашното додајте сол и шеќер. Исечкајте го путерот на листови, ставете го во брашното и издробете го со прсти. Бидете што е можно побрзи за да не ви се растопи путерот премногу, а пред дробењето, измијте ги рацете во ладна вода за да го разладите.

3. Во смесата од брашно, путер, шеќер и сол, додајте јајце и лажица павлака, па сите состојки измешајте ги со рака и замесете тесто. Немојте да месите предолго, бидејќи поради тоа по печењето ќе биде жилаво, а не крцкаво какво што би требало да биде. Штом сите состојки се поврзат во соединета смеса, може да престанете со месење.

4. Формирајте го тестото во диск, завиткајте го во пластична фолија и ставете го во фрижидер 45 минути. Тестото се обликува во диск за да можете подоцна полесно да го развиете.

5. Вклучете ја рерната на 180 степени. Откако тестото ќе се излади, ставете го на подлога наросена со остро брашно, па извалајте го. Ставете го тестото во калап, отстранете го вишокот и искористете го за да ги пополните дупките што може да настанат кога ќе го префрлате тестото во калапот. Ставете го тестото во загреана рерна и печете десетина минути, односно додека не пожолти. Потоа, извадете го од рерна и оставете го да се излади.

6. Потоа вратете се на подготовката на филот. Измешајте ги со миксер јајцата и шеќерот додека волуменот на јајцата не се зголеми два пати и смесата не стане светложолта. Во тиквата измешајте ја слатката павлака, па така добиената смеса внимателно промешајте ја со изматените јајца си шеќерот.

7. Повторно вклучете ја рерната на 180 степени. Ставете го филот во изладеното тесто, па потоа ставете го да се пече. Питата ќе биде готова за 40-тина минути. Кога ќе забележите дека на средината е мека, а на остатокот од површината тврда, може да ја извадите од рерна и да ја оставите да се лади.

Совет плус:

Можете да ја збогатите питата со различни зачини на два начина. Во водата во која ќе ја варите тиквата, може да додадете малку цимет, рендан ѓумбир и мускатно оревче или, пак, истите зачини може да ги ставите во филот.
Може да ја послужите со додаток изматена слатка павлака.

https://www.ubavinaizdravje.mk/gastro/deserti/najednostavnata-pita-od-tikva-idealen-desert-za-popladnevno-uzhivane/

lele mi se odjade od receptot ...ova dur go prochitash ke pomine denot ,a koga ke go spremash .....

Denes ke citas, utre ke spremas.